Alle tog vart køyrde i halv siktsfart til næraste stasjon og vart ståande der til mobilnettet verka igjen.
Bane NORs eige telefonsystem fungerte som dei skulle og togleiar hadde kontakt med lokomotivførarane, men trafikken vart stansa fordi det var fare for å ikkje få beskjed frå politiet og publikum om folk eller farar i sporet, og fordi kommunikasjon ville vore avgrensa i tilfelle ei større krisehending. Det kan få fatale følgjer, så trafikken vart stansa for å vareta tryggleiken.
Fredag 9. oktober seier Tonje Wikstrøm Frislid, konserndirektør Trafikk: - I går ettermiddag vart alle tog stansa. Stansen kom av ein feil i Telenors mobilnett. Utan telefonkontakt kan liv gå tapt på jernbanen. Alle tog vart køyrde i sakte og kontrollert fart til næraste stasjon og vart ståande der til vi var sikre på at mobilnetta verka igjen.
– Bane Nors eige telefonsystem fungerte, og togleiar hadde kontakt med togførarane. Men feilen hos Telenor medførte også opplevd ustabilitet i våre eigne system, noko som skapte uvisse både i om nødetatane og publikum kunne kontakte oss, og vi dei. Trafikken vart stansa fordi det var ein risiko for å ikkje få beskjed om folk eller farar i sporet, og fordi kommunikasjon ville vore avgrensa i ei større krisehending. Med andre ord; togtrafikken vart stansa for å vareta tryggleiken.
– Vi valde å setje på togtrafikken igjen då vi opplevde at stabiliteten i nettet var god nok til å køyre tog igjen. Dette skjedde i samråd med relevante etatar.
– Togframføringa skal aldri gå ut over tryggleiken, og vi vil bruke dei neste dagane på å evaluere handteringa vår av situasjonen som oppstod.
Tonje Wikstrøm Frislid er konserndirektør trafikk i Bane NOR.
Foto: Aksel Jermstad, Bane NOR